Мақалада «Қазақстан халқы» интерактивті ғылыми картасын ақпараттық қолдау, сондай-ақ оны одан әрі алға жылжыту мен жүзеге асыру, насихаттау жолдары қарастырылады. Сонымен қатар Жамбыл облысының мысалында Оңтүстік Қазақстан өңірінің этникалық құрамына да талдау жүргізіледі.
Түйін сөздер: интерактивті карта, Қазақстан халқы, этникалық құрамы, Оңтүстік Қазақстан, Жамбыл облысы
Мақалада қазақ халқының дәстүрлі мәдениетінде қалыптасқан, мал шаруашылығы тіршілігінде қолданыста болған, әрі қазіргі күннің шаруашылығының негізгі арқауы болып табылатын, малға байланысты ырым-тыйымдар жүйесі жөнінде талданады. Сонымен бірге, Қазақстанның аймақтары бойынша – солтүстiк, шығыс және Жетiсу өңiрлеріндегі сақталған бірнеше ырым-тиымдар көрсетіледі. Олардың ерекшелену қасиеттері аталып, көрсетілген ырымддар мен тиымдардың себептері мен қолдану аясы жөнінде де айтылады.
Мақалада қазақ халқының отбасылық тұрмысында жасалынатын әдет-ғұрып, салт-дәстүрлерінің ішінде әлі күнге дейін мән-мағынасын жоғалтпаған дәстүрлердің бірі – беташар ғұрпының ерекшеліктері мен жоралғылары жөнінде сөз қозғалады. Беташар рәсімінің басты ғұрпы келіннің бетін ашу үшін айтылатын беташар жырының орындалу реті және ел арасынан жазылып алынған беташардың кейбір үлгілері көрсетіледі. Сонымен қатар, бүгінгі күні беташар рәсімінің рөлі мен кейпі мәселесі аталып өтеді.
Мақалада дәстүрлі қазақ қоғамында сақталған екі қабат әйелдің босанған сәтінен бастап, кейінгі әйел адамның жағдайына байланысты жасалған жоралғылар мен түрлі ырымдар, баланың өмірге келу құрметіне арналған салт-дәстүрлер мен ғұрыптары жөнінде аталып өтеді. Сонымен бірге жас баланың ер жетуіне дейін жасалатын: қырқынан шығару, шілдехана, бесікке байлау, тұсау кесу секілді ырымдары жөнінде аталады. Ерекше назарды бесікке байлау үрдісіне бөліп, қазақ бесігінің негізгі пайдалы жақтары жөнінде де сөз қозғалады.
In this article, the author describes the current religious situation in the countries of Central Asia. The author also considers the level of influence of Islamic countries like Iran on the religious situation in the region.
